پشاور: خیبر پختونخواہ حکومت نے سرکاری ملازمین کیلئے 15فیصد ڈسپیریٹی ریڈ کشن الاؤنس کا اعلان کردیا ، الاؤنس ان ملازمین کو ملے گا جو پہلے اسے کوئی الاؤنس نہیں لے رہے۔
تفصیلات کے مطابق وزیرخزانہ خیبر پختونخواہ تیمورسلیم جھگڑا نے سرکاری ملازمین کیلئے 15 فیصد ڈسپیریٹی ریڈکشن الاؤنس کا اعلان کردیا۔
تیمورجھگڑا نے کہا وزیراعلیٰ محمود خان کی ہدایت پرسرکاری ملازمین کو پیکج دیا جا رہا ہے، الاؤنس ان ملازمین کو ملے گا جو پہلے اسے کوئی الاؤنس نہیں لے رہے۔
صوبائی وزیر کا کہنا تھا کہ صوبائی سیکرٹری فنانس کے ساتھ میٹنگ کی ہے، اس حوالے سے فنانس ڈپارٹمنٹ جلد فائل ورک مکمل کرلے گا اور حتمی منظوری کے لیے فائل وزیراعلیٰ کے پی کو بھیجی جائے گی۔
انہوں نے مزید کہا کہ منظوری کے بعد وزیراعلیٰ محمود خان باضابطہ اعلان کریں گے اور اس سلسلے میں متعلقہ نوٹیفکیشنز پر عمل کیا جائے گا۔
واضح رہے حکومت نے گذشتہ ماہ کے آغاز میں کم تنخواہ والے سرکاری ملازمین کی تنخواہوں میں 15 فیصد اضافے کا اعلان کرتے ہوئے کہا تھا کہ تنخواہوں میں اضافے کا اطلاق یکم مارچ سے ہوگا۔
