رحیم یار خان : سینیٹر شیری رحمان کا کہنا ہے کہ کئی ارکان اسمبلی رابطے میں ہیں، ہم نے پتے چھپا کر رکھے ہیں، سب سے پہلے خبر اے آر وائی نیوز کو دیں گے۔
تفصیلات کے مطابق چیئرمین پیپلزپارٹی بلاول بھٹوکی قیادت میں عوامی مارچ اسلام آباد کی جانب رواں دواں ہے۔
اس موقع پر سینیٹر شیری رحمان نے میڈیا سے گفتگو کرتے ہوئے کہا پی ٹی آئی والوں نوشتہ دیوارپڑھ لو،کئی ارکان اسمبلی رابطے میں ہیں، ہم نے پتے چھپا کر رکھے ہیں، سب سے پہلے خبر اے آر وائی نیوز کو دیں گے۔
شیری رحمان نے شاہ محمود قریشی پر تنقید کرتے ہوئے کہا شاہ محمود خارجہ امور چھوڑ کر سندھ کی گلیوں میں بھٹک رہے ہیں، وزیر خارجہ پاکستان کا امیج بڑھانے کے بجائے سندھ فتح کرنے نکلے ہیں، ان کے سندھ میں خالی کرسیوں سےخطاب پرشرم آتی ہے۔
یاد رہے پاکستان پیپلز پارٹی نے تحریک عدم اعتماد کے معاملے پر حکمران جماعت کے پانچ ایم این ایز کی حمایت حاصل کرنے کا دعویٰ کیا تھا۔
ذرائع کا کہنا تھاکہ 5 حکومتی ایم این ایز نے بلاول کو استعفیٰ جمع کرادیا ہے ، بلاول بھٹواہم مرحلے پر5 حکومتی ایم این ایز کے نام سامنے لائیں گے۔
خیال رہےپوزیشن نےتحریک عدم اعتماد کا مسودہ تیار کرلیا اور مطلوبہ اراکین کے دستخط بھی لے لئے ہیں جبکہ قومی اسمبلی اجلاس بلانے کیلئے ریکوزیشن بھی تیار کرلی ہے۔
