اسلام آباد: وفاقی وزیر اطلاعات فواد چوہدری نے چوبیس سال بعد پاکستان کا دورہ کرنے والی آسٹریلوی ٹیم کے نام تہنیتی پیغام جاری کیا ہے۔
تفصیلات کے مطابق سماجی رابطے کی ویب سائٹ ٹوئٹر پر جاری پیغام میں فواد چوہدری نے کہا کہ 24سال بعد پاکستان اور آسٹریلیا کا پہلا ٹاکرا آج راولپنڈی میں ہونے جارہا ہے، میں بابراعظم اور ٹیم پاکستان کی کامیابی کیلئےدعاگو ہوں۔
وفاقی وزیر اطلاعات نے اپنے ٹوئٹ میں پاکستان کا دورہ کرنے والی آسٹریلیا کے تہنیتی پیغام دیا کہ ‘ شکریہ آسٹریلیا آپ نے یہ مارچ ہمارے لئےخوبصورت بنایا’ پاکستان آپ کیلئےچشم براہ تھا۔
فوادچوہدری نے آسٹریلیا کےہائی کمیشن کا شکریہ ادا کرتے ہوئے کہا کہ انہوں نے یہ ایونٹ ممکن بنانےکیلئےبہت محنت کی۔
Good Luck @babarazam258 and Team wishing you guys all the best and @CricketAus Pak loves you thank you for making this March a memorable one looking for a great match and must thank @AusHCPak for his untiring efforts to bring Australian cricket team to Pak
— Ch Fawad Hussain (@fawadchaudhry) March 4, 2022
واضح رہے کہ راولپنڈی میں تاریخی سیریز کیلئے میدان سج گیا، پاکستان نے چوبیس سال بعد دورہ کرنے والی آسٹریلیا کے خلاف ٹاس جیت کر پہلے بیٹنگ کا فیصلہ کیا ہے۔
ٹاس کے گفتگو کرتے ہوئے پاکستان ٹیسٹ ٹیم کے کپتان بابراعظم نے کہا کہ ہم سیریز کیلئےبہت پرجوش ہیں کیونکہ ہم بیسٹ الیون کے ساتھ کھیل رہےہیں، وکٹ اچھی لگ رہی ہے، زیادہ رنز بنانےکی کوشش کریں گے۔
