اسلام آباد: سرمایہ کاری کے نام پر عوام سے فراڈ کیس میں بڑی پیشرفت سامنے آئی ہے، جہاں نیب نے ‘بی فار یو’ گروپ کیخلاف ریفرنس دائر کردیا ہے۔
تفصیلات کے مطابق نیب راولپنڈی نے بی فار یو گروپ کیخلاف ریفرنس دائر کیا ہے، جس میں بی فاریو کے مالک سیف الرحمان نیازی کو مرکزی ملزم جبکہ
ان کی بیوی ، بیٹوں سمیت چھ دیگر ملزمان کو نامزد کیا گیا ہے۔
ریفرنس میں کہا گیا کہ ملزمان نے دھوکہ دہی سے16 ارب سے زائد کی سرمایہ کاری جمع کی جبکہ ملزمان سرمایہ کاری جمع کرنے کا لائسنس تک نہیں رکھتے، سادہ لوح عوام سے رقم اینٹھنے کے لئے ملزمان نے 56 سے زائد اکاؤنٹس استعمال کئے۔
نیب ریفرنس میں بتایا گیا کہ ملزمان نےدھوکہ دہی سےل وگوں کواپنا کاروبار قانونی ظاہرکیا جبکہ ان کی کوئی کمپنی منافع میں نہیں لیکن 7سے20 فیصد منافع کا لالچ دیاگیا، ملزمان کا واحد مقصد لوگوں کی محنت کی کمائی لوٹ لینا تھا۔
