اسلام آباد: پشاور کے قصہ خوانی بازار میں ہونے والی بربریت پر پاکستان سے اظہار ہمدردی کا سلسلہ جاری ہے، اسی تناظر میں اسلامی تعاون تنظیم (او آئی سی) کے سیکریٹری جنرل نے وزیر خارجہ سے رابطہ کیا ہے۔
تفصیلات کے مطابق اسلامی تعاون تنظیم (او آئی سی) کے آفیشل ٹوئٹر اکاؤنٹ سے کئے گئے ٹوئٹ میں کہا گیا کہ سیکریٹری جنرل او آئی سی حسین ابراہیم طحہٰ نے پاکستان کے وزیر خارجہ شاہ محمود قریشی سے ٹیلی فونک گفتگو کی۔
Secretary-General H.E. Mr. Hissein Brahim Taha, made a phone call to H.E. the Minister of Foreign Affairs of #Pakistan, Dr. Shah Mahmood Qureshi to present his condolences for the victims of the terrorist bombing that targeted a mosque in #Peshawar on Friday, March 4, 2022. pic.twitter.com/DzUzWWadAG
— OIC (@OIC_OCI) March 5, 2022
ٹوئٹ میں او آئی سی کے سیکریٹری جنرل حسین ابراہیم طحہٰ نے پشاور دھماکے کی شدید الفاظ میں مذمت کی اور خودکش حملے میں جاں بحق افراد کے اہل خانہ سے اظہار تعزیت کیا۔
او آئی سی کے سیکریٹری جنرل نے کہا کہ دہشت گردی کےخلاف تمام اقدامات میں پاکستان کیساتھ ہے۔
During the phone call, H.E. the Secretary-General stressed his strong condemnation of this heinous crime, emphasizing at the same time to the Minister that the #OIC stands in solidarity with the Government of #Pakistan in all the measures it takes to confront terrorism.
— OIC (@OIC_OCI) March 5, 2022
واضح رہے کہ رواں ماہ کی 22 اور 23 مارچ کو او آئی سی وزرائے خارجہ کونسل کا اڑتالیسواں اجلاس اسلام آباد میں منعقد ہونے جارہا ہے، یہ دوسرا موقع ہے جب مسلسل پاکستان میں او آئی سی اجلاس کا انعقاد ہورہا ہے۔
تاریخی اجلاس سے متعلق وزیر خارجہ شاہ محمود قریشی کا کہنا تھا کہ یہ سال ہمارے لیے خصوصی اہمیت کا حامل ہے کیونکہ پاکستان کو معرض وجود میں آئے 75 سال مکمل ہو رہے ہیں۔
اس موقع پر میں او آئی سی ممبر ممالک کے وزرائے خارجہ کو دعوت دیتا ہوں کہ پاکستان تشریف لائیں اور ہمیں میزبانی کا شرف بخشیں، 23 مارچ کے باعث او آئی سی وزرائے خارجہ کونسل کے اجلاس میں شریک وزرائے خارجہ کو سالانہ پریڈ کا مشاہدہ کرنے کا موقع ملے گا۔
شاہ محمود قریشی کا مزید کہنا تھا کہ وزرائے خارجہ کو پاکستان کی مسلح افواج کی پریڈ کے ساتھ ساتھ پاکستان کے مختلف علاقوں کا کلچر ملاحظہ کرنے کا بھی موقع میسر آئے گا، ہم او آئی سی وزرائے خارجہ کونسل کے اڑتالیسویں اجلاس کو یادگار اور نتیجہ خیز بنانے کیلئے کوشاں ہیں لیکن یہ سب آپ کے تعاون کے بغیر ممکن نہیں ہو سکتا۔