پنڈی ٹیسٹ میں آسٹریلوی بلے بازوں نے پاکستان کے خلاف نئی تاریخ بنا ڈالی۔

پاکستان کی جانب سے 476 رنز پر اننگز ڈکلیئر کرنے کے بعد آسٹریلوی بلے بازوں نے بھی جم کر بیٹنگ کرتے ہوئے رنز کے انبار لگا دیے۔

مہمان ٹیم کے ابتدائی چار بلے بازوں نے نصف سنچریاں بنائیں جس میں سے 2 پلیئرز نورس نائینٹیز کا شکار ہوئے۔

آسٹریلوی کی ٹیم جانب سے برصغیر میں یہ دوسرا موقع ہے کہ جب ٹیسٹ کی کسی ایک اننگز میں ابتدائی چاروں بلے بازوں نے ففٹیز اسکور کیں۔

آسٹریلیا نے یہ ریکارڈ پہلی بار بھارت کے خلاف 2008 میں دہلی میں بنایا تھا جہاں میتھیو ہیڈن (83)، سائمن کیٹچ (64)، رکی پونٹنگ (87) اور مائیکل ہسی (53) نے پچاس رنز بنائے تھے۔

گذشتہ روز تیسرے دن کھیل کے اختتام پر آسٹریلیا نے پاکستان کی پہلی اننگز 476 رنز کے جواب میں دو وکٹوں کے نقصان پر 271 رنز بنائے تھے، آسٹریلیا کو پاکستان کی پہلی اننگ کی برتری ختم کرنے کیلئے مزید 205 رنز درکار ہیں اور اس کی 8 وکٹیں باقی ہیں۔