کیف: روس اور یوکرین کے درمیان جنگ جاری ہے ایسے میں یوکرینی فوجی جوڑے نے شادی کرلی جس کی ویڈیو سوشل میڈیا پر وائرل ہوگئی۔
غیرملکی خبررساں ادارے کی رپورٹ کے مطابق کیف کے دفاع کے لیے تعینات 112 بریگیڈ کے لیسیا فلیمونووا اور والیری فلیمونووا نے گزشتہ روز شادی کی۔
نوبیاہتا جوڑے کی تصاویر کیف پوسٹ کے آفیشل ٹوئٹر اکاؤنٹ پر بھی شیئر کی گئی ہیں جس میں وردی میں ملبوس دلہا دلہن کو ہاتھ میں گلدستہ تھامے دیکھا جاسکتاہے۔
Today, in the field conditions of #UkraineRussiaWar, two fighters of the 112 brigade of the territorial defense, Lesya and Valeriy got married. The military chaplain married them. pic.twitter.com/5g7MNDQ5zZ
— KyivPost (@KyivPost) March 6, 2022
ویڈیو میں دیکھا جاسکتا ہے کہ دلہا اور دلہن شادی میں اپنی فوجی وردی میں ملبوس ہیں، مذکورہ ویڈیو کو اب تک لاکھوں صارفین دیکھ چکے ہیں۔
This couple, Lesya and Valeriy, just got married next to the frontline in Kyiv. They are with the territorial defense. pic.twitter.com/S6Z8mGpxx9
— Paul Ronzheimer (@ronzheimer) March 6, 2022
شادی کی تقریب یوکرین کی ایک مصروف شاہراہ پر ہوئی جس میں فوجی جوڑے کی شادی میں دستی بموں اور ہتھیاروں سے لیس فوجیوں اور بلٹ پروف جیکٹس پہنے صحافیوں نے شرکت کی۔
کیف کے میئر وٹالی کلیٹسکو اور ان کے بھائی باکسر ولادیمیر بھی نوبیاہتا جوڑے کو مبارک باد دینے پہنچے۔
فوجی دلہن نے شادی کے بعد کہا کہ ’ہم دشمن کو پیچھے دھکیلنے اور اپنی زمینیں واپس لینے اور جیتنے کے لیے پرعزم ہیں۔
