لندن: سانحہ اے پی ایس کے زخمی طالب علم احمد نواز کو آکسفورڈ یونیورسٹی کی اسٹوڈنٹس یونین کا صدر منتخب کرلیا گیا۔
تفصیلات کے مطابق سانحہ اے پی ایس میں دہشت گردوں اور موت کو شکست دینے والے طالب علم احمد نواز ایک بار پھر پاکستان کا سرفخر سے بلند کر دیا۔
احمد نواز آکسفورڈ یونیورسٹی کی اسٹوڈنٹس یونین کے صدر منتخب ہوگئے ، احمد نواز بینظیر بھٹو کے بعد یہ عہدہ حاصل کرنے والے دوسرے پاکستانی ہیں۔
اس موقع پر احمد نواز کا کہنا تھا کہ یہ دن ان کی زندگی کا یادگار اور تاریخی لمحہ ہے،احمد نواز آکسفورڈ یونیورسٹی میں زیرتعلیم ہیں۔
Today is the most monumental & history making moment of my life!
I am so extremely proud to announce that I have been Elected President of the @OxfordUnion ✨One of world’s biggest & historical platforms!
I’m eternally grateful to everyone who supported me in this Journey…❤️ pic.twitter.com/R90si4FurP
— Ahmad Nawaz (@Ahmadnawazaps) March 6, 2022
واضح رہے چار سال قبل 16 دسمبر 2014 کو پشاور آرمی پبلک اسکول میں خون کی ہولی کھیلی گئی تھی، دہشت گردوں نےعلم کے پروانوں کے بے گناہ لہو سے وحشت و بربریت کی نئی تاریخ رقم کی تھی اور دردناک سانحے اور دہشت گردی کے سفاک حملے میں 147 افراد شہید ہوگئے تھے، جس میں 132 بچے بھی شامل تھے۔
سانحہ اے پی ایس پشاور میں زخمی ہونے والے طالب علم احمد نواز کو حکومت نے سرکاری خرچ پر 2015 میں علاج کے لیے برطانیہ بھیجا تھا جہاں اُن کا علاج کوئین الزبتھ اسپتال میں ہوا، برطانوی ڈاکٹرز نے احمد نواز کا علاج کیا جس کے بعد وہ صحت مند زندگی کی طرف لوٹے اور پھر لندن میں ہی تعلیم کا آغاز کیا۔
