قاہرہ : مصر میں چار گردوں والے بچے نے جنم لے لیا، بچے کا معائنہ کرنے والے ڈاکٹر حیران رہ گئے۔
غیر ملکی میڈیا کے مطابق چار ماہ کے مصری بچے کو طبعیت میں خرابی کے باعث اسپتال منتقل کیا گیا تو ڈاکٹروں نے بچے کے جسم میں چار گردے ہونے کا انکشاف کیا۔
مصری بچے کی عمر چار ماہ ہوچکی ہے، اور اس دوران بچے کو بار بار قے اور بخار کی شکایات رہی، جس پر اسے اسپتال لایا گیا۔
- Advertisement -
اسپتال میں ڈاکٹروں نے بچے کا معائنہ کیا تو معلوم پڑا کہ بچے کے جسم میں دو کے بجائے چار گردے موجود ہیں، اس بیماری کو ڈپلیکس کڈنی کہتے ہیں۔
میڈیا رپورٹس کے مطابق مصری ڈاکٹروں نے آپریشن اور دواؤں کے ذریعے بچے کے علاج کا فیصلہ کیا ہے۔
