اسلام آباد: متحدہ اپوزیشن نے وفاقی حکومت پر مزید دباؤ بڑھانے کے لئے انتہائی اہم قدم اٹھالیا ہے۔

ملکی سیاسی صورت حال میں بے چینی کی فضا قائم ہوچکی، عدم اعتماد کی تحریک اسمبلی میں کیا جمع ہوئی؟ حکومت اور اپوزیشن نے اپنے اپنے سیاسی حربے استعمال کرنا شروع کردئیے۔

حکومت کی جانب سے ناراض رہنماؤں اور اپوزیشن کے کچھ ارکان سے پس پردہ مذاکرات کئے جارہے ہیں جبکہ اپوزیشن کی نظریں پی ٹی آئی کے ناراض اراکین سے فیصلہ کن کردار پر جمی ہیں۔

یہ بھی پڑھیں: میرا پلان تیارہے، اب انہیں بتاؤں گا کہ سیاست کیسے کرتے ہیں، وزیراعظم

ان تمام سیاسی صورت حال کے بعد متحدہ اپوزیشن نے اپنا ٹارگٹ صدر عارف علوی کو بھی بنالیا ہے اور ان کے خلاف مواخذے کی تحریک لانےکا فیصلہ کیا ہے۔

ذرائع کا کہنا ہے کہ تحریک عدم اعتماد کی کامیابی کے بعد صدر کے خلاف مواخذے کی تحریک پیش کی جائے گی، نئےصدر کے امیدوار کیلئےآصف زرداری اور فضل الرحمان پر مشتمل2 رکنی کمیٹی قائم کردی گئی ہے۔

ذرائع کا کہنا ہے کہ کمیٹی یہ فیصلہ کرے گی کہ آیا صدر پاکستان پیپلزپارٹی سے ہوگا یا جے یو آئی (ف) سے۔