کراچی میں سفاک ملزم نے 22 دن کی بچی کو پراسرار طور پر قتل کردیا گیا۔
اے آر وائی نیوز کے مطابق کراچی کے علاقے لیاقت آباد نمبر 7 میں سفاک ملزم نے گھر میں گھس کر 22 دن کی بچی ذمیل دختر سعد کو قتل کردیا۔
پولیس کے مطابق بچی کی والدہ کا ابتدائی بیان ریکارڈ کرلیا گیا ہے۔
- Advertisement -
بچی کی ماں نے پولیس کو دیے گئے بیان میں بتایا کہ گھر کی چھت سے ایک لڑکا آیا مجھے دھکا دیا جس سے میرا سر فریج سے لگا اور میں بیہوش ہوگئی۔
بچی کی والدہ کے مطابق جب میں ہوش میں آئی تو بچی کا گلا کٹا ہوا تھا۔
پولیس کے مطابق اہلخانہ نے بتایا ہے کہ واقعے کے وقت گھر میں خاتون ہی موجود تھی اور بچی کے والد نوکری پر گئے ہوئے تھے۔
پولیس کا کہنا ہے کہ معاملہ مشکوک لگ رہا ہے واقعے کی تفتیش جاری ہے، بچی ذمیل دختر سعد کی لاش کو ضابطے کی کارروائی کے لیے اسپتال منتقل کردیا گیا ہے۔
