لاہور: وزیر اعظم عمران خان کے معاون خصوصی عثمان ڈار کا کہنا ہے کہ کامیاب جوان پروگرام سے بہت سارے منصوبے پورے ہو چکے ہیں، ابھی تک 29 ارب روپے پنجاب میں تقسیم کیے جا چکے ہیں۔
تفصیلات کے مطابق وزیر اعظم عمران خان کے معاون خصوصی برائے امور نوجوان عثمان ڈار نے میڈیا سے گفتگو کرتے ہوئے کہا کہ کامیاب جوان پروگرام سے بہت سارے منصوبے پورے ہو چکے ہیں۔
عثمان ڈار کا کہنا تھا کہ ابھی تک 29 ارب روپے پنجاب میں تقسیم کیے جا چکے ہیں، ساڑھے 5 ارب روپے لاہور کے جوانوں میں تقسیم کیے ہیں۔ ہزاروں لوگ پروگرام سے مستفید ہو چکے ہیں۔
- Advertisement -
انہوں نے کہا کہ 65 ہزار اسکالر شپس پنجاب میں دی گئیں، 9 ہزار اسکالر شپس لاہور کے نوجوانوں کو دی گئی ہیں۔ کل گوجرانوالہ میں ویٹ لفٹنگ پروگرام کا آغاز کر رہے ہیں۔
