کراچی: رکن سندھ اسمبلی راجہ اظہر کا کہنا ہے کہ شہر میں ٹینکرز کی وجہ سے کئی خطرناک ٹریفک حادثات رونما ہوچکے ہیں، ٹینکرز کو پابند کیا جائے کہ دن کے اوقات میں سڑکوں پر نہ آئیں۔
تفصیلات کے مطابق پاکستان تحریک انصاف کے رکن سندھ اسمبلی راجہ اظہر نے ڈپٹی انسپکٹر جنرل آف پولیس (ڈی آئی جی پی) ٹریفک کو خط لکھا ہے۔
راجہ اظہر نے خط میں لکھا کہ شہر میں ٹینکرز ڈرائیورز کی تیز رفتاری سے ٹریفک حادثات میں اضافہ ہو رہا ہے۔
- Advertisement -
خط میں کہا گیا کہ ٹینکر پر سوار بیشتر ڈرائیور کم عمر یا غیر تربیت یافتہ ہوتے ہیں، بعض ڈرائیورز کے نشے میں ملوث ہونے کی شکایات بھی موصول ہوچکی ہیں۔
راجہ اظہر کا کہنا تھا کہ ٹینکرز کی وجہ سے کئی خطرناک ٹریفک حادثات رونما ہوچکے ہیں، ٹینکرز کو پابند کیا جائے کہ دن کے اوقات میں سڑکوں پر نہ آئیں۔
