کراچی ٹیسٹ میں کم بیک کرنے والے فاسٹ بولر حسن علی انوکھی حرکت کے باعث شہہ سرخیوں میں آگئے۔
تفصیلات کے مطابق بینو قادر ٹرافی کا دوسرا ٹیسٹ کراچی میں جاری ہے، جس میں راولپنڈی ٹیسٹ مس کرنے والے فاسٹ بولر حسن باؤنڈری لائن پر دلچسپ حرکت کیمرے کی آنکھ نے محفوظ کرلی۔
فاسٹ بولر حسن علی آسٹریلیا کے خلاف اوورز کرانے کے بعد جیسے ہی باؤنڈری لائن کے قریب آئے اچانک انہوں نے ڈیوڈ وارنر کی طرح بھنگڑا ڈالا اور شائقین کرکٹ سے خوب داد وصول کی۔
پاکستان کرکٹ بورڈ نے مذکورہ ویڈیو کو اپنے سوشل میڈیا اکاؤنٹ پر شیئر کردیا ہے، جسے شائقین کرکٹ کی جانب سے خوب پسند کیا جارہا ہے اور ویڈیو پر دلچسپ تبصرے بھی کئے جارہے ہیں۔
🕺🏼 #BoysReadyHain l #PAKvAUS @RealHa55an pic.twitter.com/sslD2r6fjY
— Pakistan Cricket (@TheRealPCB) March 12, 2022
یاد رہے کہ راولپنڈی ٹیسٹ کے دوران ڈیوڈ وارنر کی باؤنڈری لائن پر ڈانس کرنے کی ویڈیو سوشل میڈیا پر وائرل ہوئی تھی، چند سیکنڈ پر مشتمل ویڈیو میں وارنر کھیل سے لطف اندوز ہونے کے ساتھ ساتھ ڈانس کررہے تھے، جسے شائقین نے خوب پسند کیا تھا۔
واضح رہے کہ اس سے قبل بھی وارنر کی اسٹیڈیم میں ڈانس کی ایک ویڈیو وائرل ہوئی تھی جس پر گراؤنڈ میں تماشائیوں نےڈیوڈ وارنر کے نام کے نعرے لگائے تو انہوں نے رقص کرنا شروع کردیا تھا۔
The crowd and the camera love @davidwarner31 🕺🏼#BoysReadyHain I #PAKvAUS pic.twitter.com/UWQYAjTLsk
— Pakistan Cricket (@TheRealPCB) March 8, 2022
