قومی ٹیم کے کپتان بابر اعظم نے بیٹنگ کے بعد بولنگ کے شعبے میں بھی اپنی صلاحیتوں کا لوہا منوا لیا۔
بابر اعظم نے مایہ ناز آسٹریلوی بولرز مچل اسٹارک، جوش ہیزل ووڈ اور کیمرون گرین کو بھی پیچھے چھوڑتے ہوئے ہوم سیریز کو یادگار بنا دیا۔
تینوں آسٹریلوی بولرز تاحال سیریز میں کوئی وکٹ حاصل نہیں کر سکے تاہم بابراعظم نے آج کیرے کی وکٹ حاصل کر کے سنچری بنانے کا خواب چکنا چور کر دیا۔
He told us he is an all-rounder, and who are we to doubt! 🤷🏻♂️#BoysReadyHain l #PAKvAUS pic.twitter.com/biqQm8Wv1B
— Pakistan Cricket (@TheRealPCB) March 13, 2022
ٹیسٹ میں اب تک بابراعظم نے 8 اوورز میں 7 کی اوسط سے رنز دے کر 2 وکٹیں حاصل کر رکھی ہیں۔ بابراعظم نے آسٹریلیا کے خلاف پہلے اور اب دوسرے میچ میں مجموعی طور پر 7 اوورز کروائے ہیں۔
سوشل میڈیا پر بابراعظم کی بولنگ کے خوب چرچے ہو رہے ہیں اور انہیں بلے بازی کے بعد بولنگ میں سراہا جا رہا ہے۔ بعض صارفین نے تو پارٹ ٹائم بولر کی بجائے بابراعظم اعظم کو آل راؤنڈر قرار دیا ہے۔
