کراچی ٹیسٹ میں پاکستان کے خلاف آسٹریلیا کی گرفت مضبوط ہوگئی، آسٹریلیا نے قومی ٹیم کے خلاف 489 رنز کی برتری حاصل کرلی۔
کراچی ٹیسٹ کے تیسرے روز کھیل کے اختتام پر آسٹریلیا نے اپنی دوسری اننگز میں ایک وکٹ کے نقصان پر 81 رنز بنالیے، عثمان خواجہ 35 اور مارنوس لبوشین 37 رنز کے ساتھ کریز پر موجود ہیں، آسٹریلیا کی مجموعی برتری 489 رنز ہوگئی ہے۔
That's stumps! There will be a sigh of relief after a tough day at work and a glimmer of hope from Day 4. #BoysReadyHain l #PAKvAUS pic.twitter.com/k7uJhEtBqP
— Pakistan Cricket (@TheRealPCB) March 14, 2022
ڈیوڈ وارنر 7 رنز بنا کر آؤٹ ہوئے، پاکستان کی جانب سے واحد وکٹ حسن علی حاصل کرسکے۔
🔥 #BoysReadyHain l #PAKvAUS pic.twitter.com/svsh9aHA3X
— Pakistan Cricket (@TheRealPCB) March 14, 2022
اس سے قبل آسٹریلوی بولرز نے پاکستانی بیٹنگ لائن اپ کو تہس نہس کرڈالا، 556 رنز کے جواب میں قومی ٹیم اپنی پہلی اننگز میں محض 148 رنز پر آؤٹ ہوکر فالوآن کا شکار ہوگئی تھی۔
Fawad gets hold of it! Warner heads back. #BoysReadyHain l #PAKvAUS pic.twitter.com/OoS8ql226n
— Pakistan Cricket (@TheRealPCB) March 14, 2022
آسٹریلوی بولرز کے سامنے قومی ٹیم کا مڈل آرڈر بُری طرح ناکام ہوا اور کوئی بھی بیٹر ڈبل فیگر میں داخل نہ ہوسکا، کپتان بابراعظم 36 رنز بناکر نمایاں رہے۔
راولپنڈی ٹیسٹ کے سینچری میکر عبداللہ شفیق 13 رنز پر رن آؤٹ ہوئے، امام الحق کی انفرادی اننگز 20 رنز تک محدود رہی،اظہر علی 14 رنز پر ہمت ہار بیٹھے، فواد عالم کھاتہ کھولے بغیر پویلین لوٹے، محمد رضوان 13 رنز سے آگے اپنی اننگز نہ بڑھاسکے جبکہ آل راؤنڈر فہیم اشرف 4 رنز بناکر آؤٹ ہوئے۔
Green gets Faheem. #BoysReadyHain l #PAKvAUS pic.twitter.com/kH55lgemtM
— Pakistan Cricket (@TheRealPCB) March 14, 2022
ساجد خان 5، حسن علی 0 اور شاہین شاہ آفریدی 19 رنز بناسکے۔
آسٹریلیا کی جانب سے مچل اسٹارک نے 3 کھلاڑیوں کو آؤٹ کیا، ڈبییو کرنے والے سیمپئسن 2 وکٹیں لے اڑیں جبکہ پیٹ کمنز، لیتھن لیون ،کیمرون گرین کےحصے میں ایک ایک وکٹ آئی۔
Fans can't believe it 😕#PAKvAUS pic.twitter.com/EMgoENUpcU
— Pakistan Cricket (@TheRealPCB) March 14, 2022
اس سے قبل آسٹریلیا نے اپنی پہلی اننگز556 رنز 9 وکٹوں کے نقصان پر ڈیکلیئر کرنے کا اعلان کیا تھا۔
واضح رہے کہ پاکستان اور آسٹریلیا کے درمیان راولپنڈی میں کھیلا گیا پہلا ٹیسٹ ہار جیت کے بغیر ختم ہوگیا تھا، دونوں ٹیموں کے درمیان تیسرا اور آخری ٹیسٹ 21 مارچ سے لاہور کےقذافی اسٹیڈیم میں کھیلا جائے گا۔
