لاہور : پاکستان مسلم لیگ (ن) کے صدر اور قائد حزب اختلاف شہباز شریف سے ایم کیوایم پاکستان کی خالد مقبول صدیقی زیر قیادت وفد کی اہم ملاقات ہوئی ہے۔
اس موقع پر پی ڈی ایم کے سربراہ مولانا فضل الرحمان نے خصوصی دعوت پر ملاقات میں شرکت کی، خالد مقبول صدیقی کی قیادت میں وفد میں عامرخان، وسیم اختر اور معین الحق شامل تھے۔
ملاقات میں دونوں جماعتوں کے قائدین نے قومی اور عوامی اہمیت کے امور پر رابطے اور تعاون سے متعلق تجاویز کا تبادلہ جاری رکھنے پر مشاورت کی۔
ذرائع کے مطابق اس موقع پر وزیر اعظم کیخلاف چلائ یجانے والے تھریک عدم اعتماد اور دیگر سیاسی امور پر تفصیلی تبادلہ خیال کیا گیا۔
اہم شخصیات کی ملاقات کے حوالے سے مشترکہ اعلامیہ جاری کیا گیا ہے جس کے مطابق اپوزیشن قائدین اور ایم کیوایم رہنماؤں میں ملاقات کل پارلیمنٹ لاجزمیں ہوگی۔
