برازیل کے ایمازون رین فورسٹ میں ایک ماہ تک لاپتہ ہونے والے دو کم عمر بھائی معجزہ طور پر زندہ مل گئے۔
سات سالہ گلوکو اور نو سالہ گلیسن فریرا نے 18 فروری کو برازیل کی ایمیزوناس ریاست میں لاگو کیپانا نیچر ریزرو میں چھوٹے پرندوں کی تلاش میں گھر سے نکلے تھے۔
جب وہ گھر واپس نہیں آ سکے تو حکام نے ملک کے شمال مغرب میں جنگلات وسیع پیمانے پر تلاش شروع کی لیکن کامیابی نہ ملنے پر سرچ آپریشن 26 فروری کو ختم کر دیا گیا۔
حیرت انگیز طور پر وہ منگل کی رات گھر سے تقریباً چار میل دور ایک درخت کاٹنے والے کو اس وقت ملے جب وہ مشین سے درخت کاٹنے میں مصروف تھا تو اسے بچوں کے چیخنے کی آوازیں سنائی دیں۔
اس شخص نے لڑکوں کو جنگل کے فرش پر پڑے ہوئے پایا جن کے جسم بھوک اور خوراک کی کمی کی وجہ سے انتہائی کمزور ہو چکے ہے۔ اطلاع ملنے پر ریسکیو ٹیمیں پہنچیں اور فوری طور پر انہیں ریسکیو کر کے اسپتال منتقل کیا۔
لڑکوں نے اپنے والدین کو بتایا کہ انہوں نے لاپتہ ہونے کے بعد سے کچھ نہیں کھایا اور صرف بارش کا پانی پی کر زندہ رہے۔
