کیف: یوکرین نے مقبوضہ بردیانسک بندرگاہ پر ایک روسی بحری جنگی جہاز تباہ کرنے کا دعویٰ کیا ہے۔
تفصیلات کے مطابق یوکرین وزارت دفاع نے ایک بیان میں کہا ہے کہ مقبوضہ بردیانسک بندرگاہ پر روسی بحری جہاز پر حملہ کامیاب رہا۔
یوکرین کے حکام کا کہنا ہے کہ ان کے حملے میں ساحلی شہر میں ایک روسی لینڈنگ بحری جہاز تباہ ہو گیا ہے جب کہ 2 دیگر بحری جہازوں کو نقصان پہنچا ہے۔
یوکرین کی فوج نے جمعرات کو علی الصبح ایک فوٹیج جاری کی اور کہا کہ روسی بحری جہاز کو اس کی افواج نے نشانہ بنایا، تاہم بی بی سی کا کہنا ہے کہ یوکرینی دعوے کے برعکس روسی بحری جہاز میں دھماکا اور آگ لگنے کی وجہ کی تفصیلات واضح نہیں ہیں۔
Video of the fire in #Russia|n-occupied port of #Berdyansk, south #Ukraine. There are reports that the Russian landing warship Orsk, docked in the port, is on fire.
— Alex Kokcharov (@AlexKokcharov) March 24, 2022
بردیانسک بندرگاہ ماریوپول کی محصور بندرگاہ کے مغرب میں واقع ہے، اس پر روس کے یوکرین پر حملے کے چار دن بعد قبضہ کر لیا گیا تھا، روس کا کہنا ہے کہ انھوں نے اپنے فوجیوں کو سامان کی ترسیل کے لیے اس بندرگاہ کو ایک اڈے کے طور پر استعمال کیا۔
Video of the Black Sea Fleet’s Orsk Project 1171 large landing ship offloading BTR-82A vehicles in Berdyansk. https://t.co/G2RaJM1DaL pic.twitter.com/S21wCfcIbO
— Rob Lee (@RALee85) March 21, 2022
روسی فوجی ٹی وی نے گزشتہ ہفتے بردیانسک میں اورسک نامی اس بحری جنگی جہاز کی آمد کو ایک ‘بڑا واقعہ’ قرار دیا تھا، کیوں کہ یہ وہاں لنگر انداز ہونے والا پہلا روسی جنگی جہاز تھا۔
روسی سرکاری ٹی وی کے رپورٹر مراد گزدیف کی فلمائی گئی ایک ڈرون فوٹیج جاری کی گئی تھی، جس میں اس بحری جنگی جہاز سے بندرگاہ پر بکتر بند گاڑیاں اتارتے ہوئے دکھایا گیا تھا۔
