پاکستانی اداکارہ دنانیر مبین کی ساتھی اداکارہ سجل علی کے ساتھ تصاویر وائرل ہوگئیں۔
اے آر وائی ڈیجیٹل کے ڈرامہ سیریل ’صنف آہن‘ سے اداکاری کا آغاز کرنے والی پاوری گرل دنانیر مبین نے انسٹاگرام پر نئی تصاویر شیئر کیں جسے مداحوں کی جانب سے خوب سراہا جارہا ہے۔
اداکارہ نے اسلام آباد میں گزشتہ روز منعقدہ پاکستان ڈے میں شرکت کی تصاویر شیئر کیں۔
تصاویر میں دیکھا جاسکتا ہے کہ دنانیر مبین کے ساتھ کبریٰ خان، سجل علی، حریم فاروق اور شہریار خان موجود ہیں۔
دنانیر نے تصاویر شیئر کرتے ہوئے مداحوں کو یوم پاکستان کی مبارک باد بھی دی۔
خیال رہے کہ گزشتہ روز یومِ پاکستان پریڈ میں آرمی چیف جنرل قمر جاوید باجوہ نے پاکستان کے نامور ستاروں سے ملاقات بھی کی تھی۔
واضح رہے کہ سجل علی، کبریٰ خان اور دنانیر مبین اے آر وائی ڈیجیٹل کے ڈرامہ سیریل صنف آہن میں مرکزی کردار ادا کرریہ ہیں، ڈرامے میں انہیں فوج میں بھرتی ہوتے دکھایا گیا ہے۔
