لاہور: اپوزیشن لیڈر پنجاب اسمبلی حمزہ شہباز کا کہنا ہے کہ اب عوامی عدالت کے فیصلے کا وقت آچکا ہے، عمران خان کو منہ چھپانے کی جگہ نہیں دیں گے۔
تفصیلات کے مطابق احتساب عدالت میں پیشی کے بعد میڈیا سے گفتگو کرتے ہوئے حمزہ شہباز نے صدرپاکستان ، اسپیکر قومی اسمبلی اور وزیراعظم عمران خان کو کڑی تنقید کا نشانہ بنایا۔
اپوزیشن لیڈر پنجاب اسمبلی کا کہنا تھا کہ صدر پاکستان عمران نیازی کا یس مین بن چکا، اسپیکر آئینی کردار کےبغی رعمران نیازی کے اشاروں پرناچ رہاہے،اسپیکرصاحب، یاد رکھیں! آپ نےہمیشہ کرسی پر نہیں رہنا قوم حساب کریگی، اسپیکرصاحب قوم کو بتائیں کہ آپ نے بھی عمران نیازی کی گنگا میں ہاتھ دھوئے۔
میڈیا سے گفتگو کرتے ہوئے حمزہ شہباز کا کہنا تھا کہ عمران خان جلسوں میں لوگوں کو گالیاں دیتے او رللکارتے ہیں ، یہ کسی کو کہتے ہیں کہ یہ میری بندوق کے نشانے پر ہے ،کبھی کہتے ہیں کہ میں کسی کو نہیں چھوڑوں گا ، عمران خان نے نوجوانوں کے خواب چکنا چور کیے ، میں عمران خان کو وارننگ دیتا ہوں کہ آ پ حد سے نکل رہے ہیں ، یہ قوم عمران خان کا دامن نوچے گی،آپ نے قوم کے بچے بھوکے مارے ہیں۔
حمزہ شہباز نے وزیراعظم کو مخاطب کرتے ہوئے کہا کہ تمہیں کرسی سے علیحدہ کرنےکیلئےکوئی نہیں رکےگا، قوم کوکہنا چاہتا ہوں کہ جلد اس عذاب سےجان چھٹکارا ملےگا، خان صاحب! 27مارچ کوجلسہ کرلو لیکن تمہیں منہ چھپانےکی جگہ نہیں ملےگی، آپکوعدم اعتماد میں ناکام کرکے وزیراعظم کی کرسی سےہٹائیں گے، خداکاواسطہ گھربیٹھ جانا ورنہ قوم تمہارا دامن نوچےگی۔
لیگی رہنما کا کہنا تھا کہ جب خدا کی مخلوق سےظلم،جھوٹ بولاجاتاہےتو پکڑہوتی ہے، آپ خدا کی پکڑ میں ہوں گےاپنےضمیر کو ٹٹولیں، آپ جتنا مرضی چھپ جاؤں یوم حساب آنے والا ہے۔
