نئی دہلی : بھارتی شہری کی بیٹی کی لاش کاندھے پر اٹھائے 10 کلومیٹر پیدل سفر کرنے کی ویڈیو نے شہریوں کو افسردہ کردیا۔
غیر ملکی میڈیا کے مطابق یہ افسوس ناک واقعہ بھارتی ریاست چھتیس گڑھ کے ضلع سورگوجا میں پیش آیا جہاں ایک باپ اپنی مردہ بیٹی کو کاندھے پر اٹھائے سفر کررہا ہے۔
ویڈیو وائرل ہونے پر ریاست چھتیس گڑھ کے وزیر صحت نے فوری طور پر واقعے کی تحقیقات کا حکم دے دیا۔
رپورٹ کے مطابق بھارتی شہری اپنی بیٹی کو لیکر علاج کی غرض سے لاکھنپور کمیونیٹی ہیلتھ سینٹر پہنچا تاہم وہ جانبر نہ ہوسکی۔
ڈاکٹرز کا کہنا ہے کہ لڑکی کا آکسیجن لیول بہت کم تھا اور بقول والدین کے اسے کئی روز سے تیز بخار تھا۔ جس پر ہم نے ابتدائی طبی امداد فراہم مگر لڑکی کی حالت بگڑ گئی اور وہ کچھ ہی دیر میں دم توڑ گئی۔
Surguja: Chhattisgarh Health Min TS Singh Deo orders probe after video of a man carrying body of his daughter on his shoulders went viral
Concerned health official from Lakhanpur should have made the father understand to wait for hearse instead of letting him go, Deo said(25.3) pic.twitter.com/aN5li1PsCm
— ANI MP/CG/Rajasthan (@ANI_MP_CG_RJ) March 26, 2022
ڈاکٹروں نے لڑکی کے والدین کو مشورہ دیا کہ وہ کچھ دیر اسپتال میں ہی انتظار کریں اور میت گاڑی آتی ہوگی مگر باپ بیٹی کی لاش کو کاندھے پر رکھ کر پیدل چل پڑا۔
بھارت میں پیش آیا یہ دوسرا واقعہ ہے، ایسا ہی ایک واقعہ رواں ہفتے ریاست اڈیسہ میں پیش آچکا ہے، جہاں ایک شخص اپنے بیٹے کی لاش کاندھے اٹھائے گھر کی جانب پیدل سفر کررہا تھا کیوں کہ اسے میت گاڑی میسر نہیں آئی تھی۔