پاکستان فلم انڈسٹری کی معروف اداکارہ صبا قمر نے وزیر اعظم عمران خان کے لیے نیک خواہشات کا اعلان کیا ہے۔

سماجی رابطے کی ویب سائٹ ٹوئٹر پر اداکارہ صبا قمر نے وزیر اعظم عمران خان کی حمایت میں لکھا کہ یہ ایک شخص کی بات نہیں بلکہ یہ پاکستان کا معاملہ ہے۔

صبا قمر نے کہا کہ ”اللہ تعالیٰ ہمارے وزیر اعظم عمران خان کو کامیابی سے ہمکنار کرے، آمین۔“

This is not about one person, this is about Pakistan. May Allah (SWT) bless our Prime Minister Imran Khan with success. Ameen @ImranKhanPTI #IamImranKhan

— Saba Qamar (@s_qamarzaman) March 27, 2022

اس سے قبل اداکار احمد علی بٹ نے وزیراعظم سے اظہار یکجہتی انسٹا گرام پر لکھا کہ ”عمران خان نے مشکل وقت میں پاکستان کے لیے بہت کچھ کیا۔“

احمد علی بٹ نے کہا کہ عمران خان صادق و امین ہیں، ہمارے پاسپورٹ اور فوج کی عزت عمران خان کے سبب ہیں، عمران خان کے اقتدار میں آنے کے بعد ملکی معیشت میں بہتری آئی ہے، انہوں نے صحت اور تعلیم کے شعبے میں بہت کام کیا ہے۔

آخر میں احمد علی بٹ نے دعا کی عمران خان اپنا دور حکومت مکمل کریں اور آئندہ اقتدار بھی سنبھالیں۔

گزشتہ روز اداکار و پروڈیوسر ہمایوں سعید نے وزیر اعظم عمران خان کے لیے ٹوئٹر پر پیغام لکھا تھا۔ ہمایوں سعید کا کہنا تھا کہ عمران خان کا مداح اُس وقت سے ہوں جب وہ ایک اسپورٹس مین تھے اور اب بھی ان کی قیادت کا فین ہیں۔

ان کا کہنا تھا کہ میری خواہش اور دعا ہے کہ وزیر اعظم اپنی مدت پوری کریں، اللہ ان کو سلامت رکھے۔

Have been a fan of @ImranKhanPTI since he was a sportsman and still an admirer of his leadership. I wish and pray that he completes his tenure. May Allah bless him #AmarBilMaroof @FaisalJavedKhan @fawadchaudhry pic.twitter.com/NIhqqDtg0k

— Humayun Saeed (@iamhumayunsaeed) March 26, 2022