سرینگر: مقبوضہ کشمیر کے ضلع راجوری میں 2 دھماکوں کی آوازیں سنی گئی ہیں۔
تفصیلات کے مطابق مقبوضہ کشمیر کے ضلع راجوری کے کنڈی علاقے میں پے در پے دو دھماکوں کی آوازیں سنی گئیں، جس کے بعد سیکیورٹی فورسز نے علاقے کا گھیر کر محاصرہ کر لیا ہے۔
کشمیری میڈیا کے مطابق ضلع راجوری کے کنڈی پولیس تھانے کے آس پاس دو الگ الگ دھماکے ہوئے، جس کے بعد پورے علاقے کو فوج اور پولیس نے محاصرے میں لے لیا ہے۔
دھماکوں میں کسی کے بھی زخمی ہونے کی اطلاع نہیں ہے، سیکیورٹی فورسز کی جانب سے کسی بھی شخص کو علاقے میں جانے کی اجازت نہیں دی جا رہی ہے۔
Two explosions in quick succession sparked panic among the people in a busy market in Rajouri district of #JammuAndKashmir on Saturday evening, officials said. https://t.co/bSP0T7Tw0o
— Deccan Herald (@DeccanHerald) March 26, 2022
پولیس اور فوج کے اعلیٰ حکام بھی موقع پر پہنچ گئے ہیں، سرکاری ذرائع کا کہنا ہے کہ دھماکے کم شدت والے تھے اور ہفتے کی شام کو ہوئے، پولیس نے احتیاطی اقدام کے طور پر مین روڈ اور بازار کو بند کیا۔
مصروف شہر میں یکے بعد دیگرے دو دھماکوں سے علاقے میں خوف وہراس پھیل گیا تھا، جب کہ فورسز نے دھماکوں کی وجہ جاننے کے لیے بڑے پیمانے پر تحقیقات شروع کیں۔
