اسلام آباد: وزیر اعظم عمران خان نے عثمان بزدار سے استعفیٰ لے کر ق لیگ کے چوہدری پرویز الہیٰ کو پنجاب کا وزیر اعلیٰ نامزد کردیا۔
وزیر اعلیٰ پنجاب کے استعفےٰ کے بعد جہاں عثمان بزدار کا نام ٹویٹر پر ٹرینڈ کررہا ہے وہیں قومی ٹیم کے سابق کپتان وسیم اکرم کا نام بھی ٹرینڈ میں شامل ہوگیا۔
سوشل میڈیا پر وسیم اکرم ٹاپ ٹرینڈ بنا توخود وسیم اکرم نے بھی حیرانی کا اظہار کیا۔
سماجی رابطوں کی ویب سائٹ پر جاری بیان میں وسیم اکرم نے کہا کہ مجھے نہیں معلوم میں کیوں ٹرینڈ کر رہاں ہوں لیکن چلیں میرا ٹوئٹ بھی اس میں شامل کرلیں۔
I’m not sure why I’m trending 🤭🤔 but anyway let’s add to it #WasimAkram ✌️
— Wasim Akram (@wasimakramlive) March 28, 2022
علاوہ ازیں وزیراعظم عمران خان اور ق لیگ کے وفد کی ملاقات کا اعلامیہ جاری کردیا گیا ہے۔
اعلامیے کے مطابق ملاقات میں وزیراعظم نے چوہدری پرویز الٰہی سے کہا کہ میں نےعثمان بزدار سے استعفیٰ لے لیا ہے، میں آپ کو اپنی پارٹی کی طرف سے بطور وزیر اعلیٰ پنجاب نامزد کرتا ہوں، میں آپ کو مبارک باد پیش کرتا ہوں۔
