بہ طور کپتان سری لنکا کو ٹی 20 ورلڈ کپ جتوانے والے بولر لاستھ ملنگا نے ایک ویڈیو میں انکشاف کیا ہے کہ 2007 میں جب انھوں نے ہیٹ ٹرک کیا تو وہ بالکل لاعلم تھے، کہ ایک اہم کارنامہ انجام دے چکے ہیں۔
لاستھ ملنگا نے کرکٹ ورلڈ کپ 2007 میں جنوبی افریقہ کے خلاف یادگار ہیٹ ٹرک کی تھی، انھوں نے 4 گیندوں پر پے در پے 4 وکٹیں حاصل کیں، لاستھ ملنگا نے اس دن کو اپنے کرکٹ کیریئر کا اہم ترین دن قرار دیا۔
تاہم سابق سری لنکن کرکٹر نے انکشاف کیا کہ وہ ہیٹ ٹرک سے ہی لاعلم تھے، ویڈیو شیئرنگ پلیٹ فارم یوٹیوب پر ایک ویڈیو میں انھوں نے کہا کہ یہ وہ دن تھا جس نے میرے کیریئر کو ایک شکل دی، ملنگا نے جنوبی افریقہ کے خلاف ہیٹ ٹرک میں چھپی دل چسپ کہانی بھی سنائی۔
15th anniversary of the day that defined my cricketing career🙌
Taking 4 wickets in 4 deliveries against SA in ICC Cricket World Cup 2007 and nearly taking my team home😇
Head over to YouTube and relive the moment with me👇❤️https://t.co/58VurDI0Du— Lasith Malinga (@ninety9sl) March 28, 2022
ملنگا نے کہا جب میں نے لیجنڈری جیک کیلس کو آؤٹ کیا تو مجھے یہ علم ہی نہیں تھا کہ ہیٹ ٹرک ہو گئی۔
انھوں نے کہا جب ساتھی کھلاڑی قریب آئے تو انھوں نے بتایا کہ یہ تو ہیٹ ٹرک ہے، جس کے بعد مجھے اندازہ ہوا کہ ہاں ہیٹ ٹرک ہوگئی ہے۔
ملنگا نے کہا دراصل میری تمام تر توجہ ٹیم کو میچ جتوانے پر مرکوز تھی اسی لیے میں اس پر دھیان نہیں رکھ سکا۔
