کراچی: مالی بحران کا شکار سندھ کے تعلیمی بورڈز نے میٹرک کی مفت تعلیم کا سلسلہ ختم کردیا ہے۔
تفصیلات کے مطابق سندھ حکومت کی جانب سے چار سال قبل شروع کئے گئے مفت تعلمی سلسلے کو بریک لگ گیا ہے اور سندھ میں میٹرک کی مفت تعلیم کا سلسلہ ختم کردیا گیا ہے۔
سکھر ،میرپورخاص بورڈ کے بعد حیدر آباد بورڈ نے بھی امتحانی فیس لینا شروع کردی گئی ہے، حیدرآباد بورڈ کے تحت اس کا نوٹیفکیشن بھی جاری کردیا گیا ہے۔
مراسلے میں کہا گیا ہے کہ صرف نویں ،دسویں جماعتوں کے طالبعلم مفت امتحانات دے سکیں گے ۔
مراسلے میں کہا گیا کہ تعلیمی اسناد کے حصول کیلئے باقاعدہ فیس جمع کرانا ہوگی،حیدر آباد بورڈ میں اسناد کے حصول کیلئے 1970روپے ادا کرنے ہونگے جبکہ امتحانی فیس 640روپے ادا کرناہوگی۔
مراسلے میں مزید کہا گیا کہ پبلک سیکٹر انسٹیٹیوٹ میں زیر تعلیم طلبا کیلئے سندھ حکومت فیس ادا کرے گی۔
