معروف ہالی ووڈ اداکار بروس ویلیس نے دماغی بیماری کی تشخیص کے بعد اداکاری سے کنارہ کشی اختیار کرلی۔
غیر ملکی میڈیا کے مطابق عالمی شہرت یافتہ ایکشن ہیرو 67 سالہ بروس ویلیس انتہائی خطرناک دماغی بیماری ‘افیزیا’ میں مبتلا ہوگئے ہیں، جس میں انسان الفاظ پڑھنے اور سمجھنے سے قاصر ہوجاتا ہے۔
بیماری کی تشخیص کے بعد اداکار نے شوبز کی دنیا کو خیر باد کہنے کا فیصلہ کیا ہے۔
چار دہائیوں پر مشتمل فلمی کیریئر کے دوران بروس ویلیس نے ایک گولڈن گلوب اور دو ایمی ایوارڈز اپنے نام کیے، اس عرصے میں انہوں نے 100 فلموں میں اپنی جاندار اداکاری کے جوہر دکھائے۔
اداکار کے انسٹاگرام اکاؤنٹ سے مداحوں کو اداکاری چھوڑنے سے متعلق آگاہ بھی کیا گیا، بروس ویلیس کے اکاؤنٹ پر ان کی تصویر کے ساتھ ایک طویل پوسٹ شیئر کی گئی جس میں بروس کی بیماری اور اداکاری کنارہ کشی کی افسوسناک خطر مداحوں کو سنائی گئی۔
