اسلام آباد : ادارہ شماریات نے ہفتہ وار مہنگائی کے اعداد وشمار جاری کردیئے، گزشتہ ہفتے مہنگائی میں0.53فیصد کا اضافہ ہوا۔
ادارہ شماریات کے مطابق مہنگائی کی مجموعی شرح16.79فیصد تک پہنچ گئی، گزشتہ ایک ہفتےمیں24اشیاء کی قیمتوں میں اضافہ ہوا۔
ایک ہفتے میں ٹماٹر29روپے اور پیاز9روپے مہنگا ہوا،5لیٹر برانڈڈ کوکنگ آئل کی قیمت میں49روپے ریکارڈ اضافہ ہوا۔
- Advertisement -
ڈھائی کلوگھی کے ٹن میں10روپے تک اضافہ ہوا، 20کلوآٹے کا تھیلا بھی8روپے73پیسے مہنگا ہوگیا، گزشتہ ہفتےآلو، دالیں، دودھ، دہی، چاول، مہنگے ہوئے۔
ادارہ شماریات کے مطابق مٹن، بیف بھی مہنگی ہونے والی اشیا میں شامل ہے، ایک ہفتےمیں7اشیاء کی قیمتوں میں کمی ریکارڈ کی گئی، گزشتہ ہفتے20اشیاء کی قیمتوں میں استحکام رہا۔
