اسلام آباد: سابق صدر مملکت آصف علی زرداری کا کہنا ہے کہ ڈپٹی اسپیکر کی رولنگ غیر آئینی ہے، اس مرحلے پر عمران خان اسمبلیاں تحلیل نہیں کر سکتے، اتنا شوق ہے تو آجائیں ہم الیکشن کے لیے تیار ہیں۔
تفصیلات کے مطابق سابق صدر مملکت آصف علی زرداری نے قومی اسمبلی کا اجلاس ملتوی ہونے کے بعد میڈیا سے گفتگو کرتے ہوئے کہا کہ ڈپٹی اسپیکر کی رولنگ غیر آئینی ہے، اب دیکھتے ہیں عدالت کیا کہتی ہے۔
آصف زرداری کا کہنا تھا کہ اس مرحلے پر عمران خان اسمبلیاں تحلیل نہیں کر سکتے، اتنا شوق ہے تو آجائیں ہم الیکشن کے لیے تیار ہیں۔
سابق صدر سے سوال کیا گیا کہ کیا آپ کو خدشہ تھا کہ ڈپٹی اسپیکر اس طرح کی حرکت کریں گے؟ جس پر انہوں نے جواب دیا کہ ہاں، لیکن دوستوں کی سوچ تھی، دوستوں کی سوچ پر چلنا پڑتا ہے۔
