تحریک عدم اعتماد کے مسترد ہونے اور اسمبلی تحلیل ہونے پر اداکار شان شاہد نے بہترین سیاسی شخصیت قرار دے دیا۔
ان خیالات کا اظہار پاکستان کے مشہور اداکار شان شاہد نے مائیکرو بلاگنگ ویب سائٹ ٹوئٹر پر جاری پیغام میں عمران خان کی سیاسی بصیرت کی تعریف کرتے ہوئے کیا۔
شان شاہد نے اپنے ٹوئٹ میں کہا کہ مخالفین نے سوچا عمران خان ایک کرکٹر ہے لیکن عمران خان آج کا بہترین سیاسی ذہن ہے۔
اداکار نے مزید کہا کہ عمران خان ایسی ان سوئنگ کرائی کہ ایک گیند پر تین وکٹیں ایک ساتھ گرا دیں۔
And they thought you were a cricketer you are the best political mind of today @ImranKhanPTI what an …..in swing 3 wickets with 1ball pic.twitter.com/NdEKGl1efG
— Shaan Shahid (@mshaanshahid) April 3, 2022
خیال رہے کہ ڈپٹی اسپیکر قاسم سوری نے عدم اعتماد کی تحریک کو رولنگ دیتے ہوئے مسترد کردیا تھا جس کے بعد وزیراعظم عمران خان نے اسمبلیاں تحلیل کرنے کی تجویز صدر مملکت کو بجھوائی جسے ڈاکٹر عارف علوی نے منظور کرلیا۔
