کراچی : این سی او سی نے کورونا کیخلاف اقدامات پر 4 ایئرپورٹس منیجرز کیلئے خصوصی اسناد جاری کردیں ، جس میں لاہور ، کراچی، اسلام آباد اور پشاورایئر پورٹ کے منیجرز شامل ہیں۔
تفصیلات کے مطابق کورونا وائرس کے خلاف ملک کے چار بڑے ائیرپورٹس پر موثر اقدامات کر نے پر این سی او سی نے رپورٹ جاری کردی۔
این سی او سی نے کورونا وبا کے خلاف قومی خدمات انجام دینے والے چار ائیرپورٹس مینجرز کے لئے خصوصی اسناد جاری کیں۔
مینجرز میں لاہور ائیرپورٹ مینجر چوہدری نذیر، کراچی ائیرپورٹ مینجر عمران خان، اسلام آباد ائیرپورٹ مینجر عدنان خان، پشاور ائیر پورٹ مینجر عبیدالرحمن شامل ہیں۔
این سی او سی کا کہنا تھا کہ کرونا وائرس کے دوران ملک کے چار بڑے ائیرپورڑس پر شاندار کارکردگی کا مظاہرہ کیا گیا ، چاروں ائیر پورٹس پر وبا کی روک تھام کے لیے اقدامات قابل ستائش ہیں۔
خیال رہے این سی اوسی کی ہدایت پر ملک بھر کے ائیر پورٹس پر خصو صی اقدامات اٹھائے گئے تھے۔
