اشتہار

کراچی میں جعلی کرنل اور جعلی انسپکٹر گرفتار

اشتہار

حیرت انگیز

کراچی: صوبہ سندھ کے دارالحکومت کراچی میں خود کو حساس ادارے کا کرنل ظاہر کرنے والے ملزم کو گرفتار کرلیا گیا، ملزم کا ساتھی خود کو انسپکٹر ظاہر کرتا تھا اور دونوں متعدد غیر قانونی کاموں میں ملوث تھے۔

تفصیلات کے مطابق کراچی میں حساس ادارے اور گارڈن پولیس نے مشترکہ کارروائی کرتے ہوئے جعلی کرنل اور اس کے ساتھی جعلی انسپکٹر کو گرفتار کر کے مقدمہ درج کرلیا۔

ایس پی سٹی علی مردان کا کہنا ہے کہ گرفتار ملزم امداد بلوچ عرف کرنل عمران اپنے آپ کو حساس ادارے کا افسر ظاہر کرتا تھا، ملزم کا ساتھی محمد سیفل بھی خود کو حساس ادارے کا انسپکٹر متعارف کرواتا تھا۔

- Advertisement -

گرفتار ملزم پولیس کے سینئر افسران کو حساس ادارے کا کرنل متعارف کروا کر قبضہ مافیا اور دیگر جرائم پیشہ عناصر کو سپورٹ کرتا تھا اور خود بھی غیر قانونی کاموں میں ملوث تھا۔

پولیس کا کہنا ہے کہ گرفتار ملزمان نے اورنگی ٹاؤن کے رہائشی احتشام اور حمدان سے جعلی کارڈز بنوائے، گرفتار جعلی کرنل عمران نے سات شادیاں کر رکھی ہیں، ملزم نے تمام سسرالیوں سے بھی خود کو حساس ادارے کا افسر متعارف کروایا تھا۔

گرفتار ملزم زمینوں پر قبضے، بھتہ خوری اور بلیک میلنگ میں ملوث ہے جبکہ جعلی انسپکٹر محمد سیفل سندھ اور بلوچستان میں ضلعی اور پولیس افسران کو فون کر کے غیر قانونی کام کروانے کی کوشش کرتا تھا۔

گرفتار ملزمان سے غیر قانونی اسلحہ اور حساس ادارے کے جعلی کارڈز بھی برآمد ہوئے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں