لاہور : پاکستان تحریک انصاف کے رہنما عثمان بزدار نے اپوزیشن ارکان کی جانب سے خاتون اول بشریٰ بی بی اور فرح خان پر بے بنیاد الزامات کو مسترد کردیا۔
تفصیلات کے مطابق پاکستان تحریک انصاف کے رہنما عثمان بزدار نے سماجی رابطے کی ویب سائٹ ٹوئٹر پر اپنے بیان میں کہا کہ خاتون اول اور فرح خان پربے بنیاد الزامات کو قطعی مسترد کرتا ہوں اور علیم خان، چوہدری سرور سمیت اپوزیشن ارکان کے الزامات کی تردید کرتاہوں۔
عثمان بزدار نے بلا ثبوت الزام تراشی کی مذمت کرتے ہوئے کہا پنجاب میں تقرروتبادلےمیرٹ اورقواعد و ضوابط کےمطابق ہوتے ہیں۔
خاتون اول اور فرح خان کے بارے میں بے بنیاد الزامات کو قطعی طور پر مسترد کرتا ہوں
علیم خان ،چوہدری سرور اور دیگر اپوزیشن ارکان کے من گھڑت الزامات کی سختی سے تردید کرتا ہوں اور بلا ثبوت الزام تراشی کی مذمت کرتا ہوں
پنجاب میں تقررو تبادلے میرٹ اور قواعد و ضوابط کے مطابق ہوتے ہیں
— Usman Buzdar (@UsmanAKBuzdar) April 6, 2022
رہنما پی ٹی آئی نے کہا کہ منی لانڈرنگ اور کرپشن کےبے تاج بادشاہوں کا ایک وطیرہ رہا ہے ، سیاسی میدان میں مات کھائیں تو حریفوں اوراداروں پر الزامات لگاتے ہیں ، سیاسی میدان میں شکست خوردہ من گھڑت الزامات لگاکرخفت نہیں چھپا سکتے۔
منی لانڈرنگ اور کرپشن کے بے تاج بادشاہوں کا ہمیشہ وطیرہ رہا ہے کہ جب سیاسی میدان میں مات کھائیں تو بلیک میلنگ کے لیے اپنے حریفوں اور اداروں پر بے سروپا الزامات لگانے لگ جاتے ہیں
سیاسی میدان میں شکست خوردہ عناصر بےبنیاد اور من گھڑت الزامات لگا کر اپنی خفت نہیں چھپا سکتے
— Usman Buzdar (@UsmanAKBuzdar) April 6, 2022
ان کا مزید کہنا تھا کہ الحمد للہ ایک اور انٹرنیشنل ٹیم کا ٹور آج مکمل ہوا ، پاکستان کےلیےعالمی سپورٹس ایونٹس کےدروازے کھل جائیں گے، اپنی ٹیم، پی سی بی، ضلعی انتظامیہ،پولیس اوردیگراداروں کو مبارکباد دیتا ہوں۔
ن لیگ اور اس کے حواری ساڑھے تین سال میں مجھ پر یا میری کابینہ پر کرپشن کا ایک بھی سکینڈل سامنے نہیں لا سکے
نہ کوئی ٹھیکہ، نہ کوئی کیلبری خط، نہ کوئی جعلی ٹرسٹ ڈیڈ، نہ کوئی مقصود چپڑاسی نہ میرے کوئی مے فئیر کے فلیٹ سامنے آئے
اگر آپ کے پاس کوئی ثبوت ہے تو ضرور سامنے لائیں 1/2
— Usman Buzdar (@UsmanAKBuzdar) April 6, 2022
