ڈپٹی اسپیکر پنجاب اسمبلی دوست محمد مزاری نے کہا ہے کہ میرے دفتر کے عملے پر دباؤ ڈالنے کی کوشش کی جارہی ہے، اس طرح کے اقدام سے سب کو نقصان ہوگا۔
ڈپٹی اسپیکر پنجاب اسمبلی دوست محمد مزاری نے اے آر وائی نیوز سے گفتگو کرتے ہوئے کہا ہے پنجاب اسمبلی اجلاس گزٹ نوٹیفکیشن تک نہیں ہوسکتا، اسمبلی سیکرٹریٹ نوٹیفکیشن میں غیر آئینی اقدامات کررہا ہے، اسمبلی سیکرٹریٹ کی غیر سنجیدگی افسوسناک ہے۔
انہوں نے کہا کہ جو طاقتیں ایسا کررہی ہیں وہ سب کے سامنے ہیں، میں قانون کے مطابق کام کروں گا، پرویزالٰہی خود امیدوار ہیں اسپیکر کےاختیارات میرے پاس ہیں، میرے دفتر کے عملے پر دباؤ ڈالنے کی کوشش کی جارہی ہے۔
دوست محمد مزاری نے عدم اعتماد کے حوالے سے کہا کہ میں اپنے خلاف تحریک عدم اعتماد کو خوش آمدید کہتا ہوں عدم اعتماد جمع کروانے والوں کا حق بنتا ہے لیکن اس طرح کے اقدام سے سب کو نقصان ہوگا۔
مزید پڑھیں:ڈپٹی اسپیکر پنجاب اسمبلی دوست محمد مزاری کیخلاف تحریک عدم اعتماد جمع
انہوں نے کہا کہ نوٹیفکیشن ہو گا تو اجلاس کی صدارت کروں گا اور رولز آف پروسیجر کو جاری رکھوں گا۔
