قومی اسمبلی کے کل صبح ساڑھے 10 بجے ہونے والے اجلاس کے لیے 6 نکاتی ایجنڈا جاری کر دیا گیا ہے۔
اے آر وائی نیوز کے مطابق قومی اسمبلی کے کل صبح ساڑھے 10 بجے ہونے والے اجلاس کے لیے 6 نکاتی ایجنڈا جاری کردیا گیا ہے۔
قومی اسمبلی کے 6 نکاتی ایجنڈے میں تحریک عدم اعتماد پر ووٹنگ بھی شامل ہے۔
واضح رہے کہ سپریم کورٹ نے گزشتہ روز اپنے فیصلے میں 3 اپریل کی ڈپٹی اسپیکر قومی اسمبلی کی رولنگ کو کالعدم قرار دیتے ہوئے تحریک عدم اعتماد کو برقرار رکھا تھا اور قومی اسمبلی تحلیل کرنے کا فیصلہ مسترد کرتے ہوئے کابینہ کو بھی بحال کر دیا تھا۔
چیف جسٹس عمر عطا بندیال نے مختصر فیصلہ سناتے ہوئے نگراں حکومت کے قیام کیلئے صدر اور وزیراعظم کے اقدامات کو بھی کالعدم قرار دیتے ہوئے ڈپٹی اسپیکر کی رولنگ سےپہلےکی صورتحال بحال کر دی تھی۔
عدالت نے اپنے فیصلے میں تحریک عدم اعتماد پر 9 اپریل ہفتے کی صبح بجے 10 بجے ووٹنگ کرانے کا حکم دیا تھا۔
