پاکستان کے سابق اسٹار فاسٹ بولر محمد عامر نے انٹرنیشنل کرکٹ میں واپسی کی خبروں کی تردید کر دی۔
سوشل میڈیا اور دیگر ذرائع سے خبریں سامنے آئیں تھیں کہ فاسٹ بولر محمد عامر کا انٹرنیشنل کرکٹ سے ریٹائرمنٹ واپس لینے کا امکان ہے چیئرمین پی سی بی رمیز راجہ مستعفی ہوئےتو عامر ریٹائرمنٹ واپس لینےکا اعلان کرسکتے ہیں۔
محمد عامر نے دسمبر دوہزار بیس میں اُس وقت کے ہیڈکوچ مصباح الحق اور بولنگ کوچ وقار یونس پر ذہنی اذیت دینےکے الزامات لگا کر انٹرنیشنل کرکٹ کو خیرباد کہا تھا۔
- Advertisement -
فاسٹ بولر نے خبروں کی سختی سے تردید کرتے ہوئے واضح کیا ہے کہ ریٹائرمنٹ لینے کا کوئی فیصلہ نہیں کیا۔ ان کا کہنا ہے کہ ریٹائرمنٹ واپس لینے سے متعلق ابھی کچھ نہیں سوچا۔
29 سالہ فاسٹ بولر ان دنوں مختلف لیگز کھیلنے میں مصروف ہیں اور اپنی فیملی کے ساتھ وقت گزار کر زندگی سے لطف اندوز ہو رہے ہیں۔
