مظفرآباد: وزیراعظم آزاد جموں و کشمیر سردار عبدالقیوم نیازی نے مستعفی ہوگئے۔
اے آر وائی نیوز کے مطابق وزیراعظم آزاد جموں وکشمیر سردار عبد القیوم نیازی نے چیئرمین تحریک انصاف عمران خان کو استعفیٰ بھجوا دیا۔
عبدالقیوم نیازی نے حقائق سے عمران خان کو گزشتہ روز ملاقات میں آگاہ کیا تھا۔
وزیراعظم آزاد کشمیر نے اپنے خلاف سازش، مبینہ ڈیل سے تفصیلی طور پر آگاہ کیا تھا، ان کا کہنا تھا کہ وزارت عظمیٰ آپ کی امانت تھی آج واپس کررہا ہوں۔
اس سے قبل وزیراعظم آزاد کشمیر نے کابینہ کے 5 وزرا کو بر طرف کردیا ، وزرا میں تنویر الیاس ،عبد الماجد خان ، علی شان سونی ، خواجہ فاروق شامل ہیں۔
تفصیلات کے مطابق آزاد کشمیر میں بھی سیاسی بحران سر اٹھانے لگا، وزیراعظم آزاد کشمیرعبدالقیوم نیازی نے 4 وزرا کو برطرف کرنے کا فیصلہ کرلیا ، ترجمان نے بتایا کہ وزراکو مس کنڈکٹ ،بد عنوانی ،مشکوک سرگرمیوں پرآزادکشمیرکابینہ سے نکالا گیا۔
برطرف ہونے والے وزراء میں سردار تنویرالیاس، عبدالماجدخان،علی شان سونی ،خواجہ فاروق اور چوہدری محمد اکبر شامل ہیں۔
یاد رہے وزیراعظم آزاد کشمیر سردار عبدالقیوم نیازی کیخلاف تحریک عدم اعتماد جمع کرادی گئی تھی ، تحریک عدم اعتماد علی شان سونی، ماجد خان اور اکبر ابراہیم کی جانب سے جمع کرائی گئی اور اس پر 25 اراکین اسمبلی کے دستخط موجود تھے۔
