سابق وزیر داخلہ اور عوامی مسلم لیگ کے سربراہ شیخ رشید نے عمرے کی سعادت حاصل کرلی۔
اے آر وائی نیوز کے مطابق سابق وزیر داخلہ شیخ رشید احمد عمرے کی سعادت حاصل کرنے کے بعد روضہ رسول ﷺ پر حاضری کی اور تصاویر سوشل میڈیا پر شیئر کیں۔
تصاویر میں دیکھا جاسکتا ہے کہ شیخ رشید احمد مسجد نبوی ﷺ میں کھڑے ہیں اور دوسری تصویر میں وہ روضہ رسولﷺ پر دعا کررہے ہیں۔
عوامی مسلم لیگ کے سربراہ شیخ رشید احمد عمرہ کی سعادت حاصل کرنے کے بعد روضہ رسُول پر حاضری 🤲🏻 pic.twitter.com/moodOnhC2T
— Sheikh Rashid Ahmed (@ShkhRasheed) April 18, 2022
شیخ رشید احمد کو سماجی رابطے کی ویب سائٹ ٹویٹر پر صارفین کی جانب سے عمرے کی سعادت حاصل کرنے پر مبارک باد دی جارہی ہے۔
واضح رہے کہ ہفتے کے روز تحریک انصاف کے کراچی جلسے میں شیخ رشید نے عوام سے کہا تھا کہ میرے پاس وقت کی کمی ہے جلدی خطاب سن لیں کیونکہ روضہ رسول پر حاضری دینے جانا ہے۔
