سوشل میڈیا پر آئے روز نت نئی ویڈیوز وائرل ہوتی رہتی ہیں جسے دیکھ کر لوگ دنگ رہ گئے۔
ارجنٹائن سے ایک ویڈیو سامنے آئی ہے جس میں دیکھا جاسکتا ہے کہ ایک لڑکی ریلوے اسٹیشن پر چلتی ٹرین کے نیچے آگئی اور خوش قسمتی سے زندہ بھی بچ گئی۔
یہ واقعہ ارجنٹائن کے دارالحکومت بیو نس آئرس کے ریلوے اسٹیشن پر 29 مارچ کو پیش آیا۔
سی سی ٹی وی فوٹیج میں دیکھا گیا کہ ایک سفید رنگ کے کپڑوں میں ملبوس لڑکی ریلوے اسٹیشن پر چکراتے ہوئے چلتی ٹرین کے نیچے آگئی۔
لڑکی کے نیچے گرنے کے بعد ٹرین رک گئی اور ریلوے اسٹیشن پر موجود مسافروں اور حکام نے اسے پٹری سے اوپر کھینچا، اس دوران بظاہر وہ صرف معمولی زخمی لگ رہی تھی۔
So this happened recently in #BuenosAires #Argentina
This woman apparently fainted and she fell under on an oncoming train, BUT SHE SURVIVED! She's now out of the hospital 🙏 pic.twitter.com/EQA2V4foh9
— Diamond Lou®™ 🔞 (@DiamondLouX) April 19, 2022
رپورٹس کے مطابق لڑکی ریلوے اسٹیشن سے فوراً ایمبولینس کے ذریعے اسپتال لے جایا گیا، جہاں ڈاکٹر نے بتایا کہ وہ خطرے سے باہر ہے۔
مقامی میڈیا سے بات کرتے ہوئے متاثرہ لڑکی (جس کی شناخت کینڈیلا کے نام سے ہوئی) کا کہنا تھا کہ ‘مجھے نہیں معلوم کہ میں ابھی تک کیسے زندہ ہوں۔ میں اب بھی اس سب کو سمجھنے کی کوشش کر رہی ہوں، مجھے دوسری زندگی ملی ہے’۔
