ڈسکہ: لاہور کے جلسے میں رکاوٹ ڈالنے کے غرض سے بجلی لوڈ شیڈنگ کا منصوبہ مخالفین کو الٹا پڑنے لگا ہے۔
تفصیلات کے مطابق پی ٹی آئی کے لاہور جلسے کے موقع پر بجلی لوڈ شیڈنگ منصوبہ الٹا پڑنے لگا، گھروں میں ٹی وی پر جلسہ دیکھنے والے اب لوڈ شیڈنگ شیڈول کی وجہ سے جلسے میں شرکت کی تیاری کرنے لگ گئے ہیں۔
موبائل دکانوں پر انٹر نیٹ پیکجز کرانے والوں کا بھی رش بڑھ گیا، شہریوں کا کہنا ہے کہ بجلی کی لوڈ شیڈنگ ہوئی تو موبائل فون پر خان کی تقریر سنیں گے۔
اسلام آباد میں تحریک انصاف کو جلسے کیلئے اسکرین لگانے کی اجازت مل گئی
شہری رائے کا اظہار کر رہے ہیں کہ غیرت مند پاکستانیوں کو عمران خان سے الگ نہیں کیا جا سکتا۔
Minar-E-Pakistan Jalsa’s preparations are in full swing. Tonight is going to be the biggest Jalsa ever InshAllah! #LahoreJalsa#امپورٹڈ_حکومت_نامنظور pic.twitter.com/yvLlyOV8ML
— Absolutely Not (@IK_ka_Sipahi) April 21, 2022
لاہور میں گریٹر اقبال پارک مینار پاکستان پر تحریک انصاف ایک بار پھر پاور شو کرنے جا رہی ہے، عمران خان کی آمد سے متعلق شیڈول اے آر وائی نیوز نے حاصل کر لیا ہے، چیئرمین اسلام آباد سے خصوصی طیارے پر شام 6 بجے لاہور روانہ ہوں گے۔
شاہ محمود قریشی اور شہباز گل عمران خان کے ہمراہ ہوں گے، پی ٹی آئی لاہور کی قیادت عمران خان کا استقبال کرے گی، علامہ اقبال انٹرنیشنل ایئر پورٹ پر سیکیورٹی سے متعلق انتظامات مکمل کر لیے گئے ہیں، پی ٹی آئی کے چیئرمین عمران خان حج لاؤنج سے روانہ ہوں گے۔
