نئی دہلی: کانگریس کے رہنما راہول گاندھی کا کہنا ہے کہ ہر گھر میں بے روزگاری بھارت کا نیا نعرہ بن گیا ہے۔
کانگریس کے سابق صدر راہول گاندھی نے سماجی رابطے کی ویب سائٹ ٹوئٹر پر ملک میں بے روزگاری کے حوالے سے رپورٹ شیئر کرتے ہوئے مودی حکومت کو کڑی تنقید کا نشانہ بنایا، انہوں نے کہا کہ ’’نئے ہندوستان کا نیا نعرہ ہے، ہر گھر بے روزگاری، گھر گھر بے روزگاری۔
انہوں نے کہا کہ 75 سالوں میں مودی جی ملک کے پہلے وزیر اعظم ہیں جن کے ’ماسٹر اسٹروک‘ کی وجہ سے 45 کروڑ سے زیادہ لوگوں نے نوکری کی امید چھوڑ دی ہے۔‘‘
یہ بھی پڑھیں: برطانوی وزیراعظم کو دھوکا دینے کیلیے مودی حکومت کا اچھوتا اقدام، ویڈیو دیکھیں
ایک رپورٹ کے مطابق بھارت میں گزشتہ پانچ سال کے دوران دو کروڑ سے زائد ملازمتیں ختم ہو چکی ہیں،۔ اس رپورٹ میں چونکا دینے والا انکشاف سامنے آیا ہے کہ ملک میں 45 کروڑ لوگ ایسے ہیں جنہوں نے نوکری کی تلاش ترک کردی ہے۔
رپورٹ میں مزید کہا گیا ہے کہ سب سے زیادہ خراب حالت خواتین کی ہے، بھارت میں صرف 9 فیصد خواتین ایسی ہیں جن کے پاس کام ہے یا وہ بھی کام کی تلاش میں ہیں۔
