کراچی میں آج سے گرمی کی شدت میں اضافے کا امکان

کراچی: صوبہ سندھ کے دارالحکومت کراچی میں آج سے گرمی کی شدت میں اضافے کا امکان ہے، رواں ہفتے کراچی میں موسم شدید گرم اور مرطوب رہے گا۔

تفصیلات کے مطابق محکمہ موسمیات کا کہنا ہے کہ کراچی میں آج سے درجہ حرارت میں اضافے کا امکان ہے، شہر میں زیادہ سے زیادہ درجہ حرارت 36 سے 28 ڈگری سینٹی گریڈ متوقع ہے۔

کراچی کا موجودہ درجہ حرارت 30 ڈگری سینٹی گریڈ ہے اور ہوا میں نمی کا تناسب 65 فیصد ہے۔

محکمہ موسمیات کا کہنا ہے کہ رواں ہفتے کراچی میں موسم شدید گرم اور مرطوب رہے گا، مغربی سمت سے چلنے والی ہوا کی رفتار 5 ناٹیکل میل ہے۔

Comments