راولپنڈی: آرمی چیف آف اسٹاف جنرل قمر جاوید باجوہ نے لائن آف کنٹرول پر جوانوں کے ساتھ سے عید منائی۔
پاک فوج کے شعبہ تعلقات عامہ ( آئی ایس پی آر) کی جانب سے جاری بیان کے مطابق آرمی چیف جنرل قمر جاوید باجوہ نے عید لائن آف کنٹرول پر تعینات جوانوں کے ساتھ منائی۔
لائن آف کنٹرول آمد پر کور کمانڈر لیفٹیننٹ جنرل ساحر شمشاد مرزا نے آرمی چیف کا استقبال کیا۔
- Advertisement -
آرمی چیف نے کوٹلی سیکٹر کے علاقے ڈنگی میں جوانوں کے ہمراہ عید کی نماز پڑھی، اس موقع پر پاکستان کی سلامتی، امن و استحکام کے لیے خصوصی دعائیں مانگی گئیں۔
آئی ایس پی آر کے مطابق اس موقع پر آرمی چیف نے افسروں، جوانوں کے ساتھ عید کی خوشیاں شیئر کیں اور پرامن پاکستان کے لیے شہداء اور ان کی فیملیز کی قربانیوں کو خراجِ عقیدت پیش کیا۔
