کراچی : کلفٹن سی ویو کے علاقے میں سمندر میں مجموعی طور پر 3 افراد کے ڈوبنے کا واقعہ پیش آیا ہے، امدادی ٹیموں کا کہنا ہے کہ ڈوبنے والوں میں سے ایک شخص کی لاش نکالی جاچکی ہے۔
کراچی : کلفٹن سی ویو کے علاقے میں گزشتہ روز سمندر میں 2 افراد کے ڈوبنے کا واقعہ پیش آیا تھا، اس حوالے سے ریسکیو ذرائع نے بتایا ہے کہ سمندر میں ڈوبنے والے ایک شخص کی لاش نکال لی گئی ہے۔
علاقہ مکین کے مطابق گلشن حدید کےرہائشی 11لڑکے سمندر میں نہانےگئے اور تیز لہوں کے سامنے خود پر قابو نہ رکھتے ہوئے دو لڑکے ڈوب گئے تھے۔
ذرائع کے مطابق پولیس اور انتظامیہ کو فوری طور پر واقعے کی اطلاع دی گئی لیکن کسی نے بھی ان کی مدد نہیں کی، تاہم رات گئے دو بجے18سالہ سونو کی لاش نکالی لی گئی۔
تازہ ترین اطلاعات کے مطابق کلفٹن سی ویو پر ایک اور نوجوان کے ڈوبنے کی اطلاع ملی ہے، فیصل نامی نوجوان کے اہلخانہ سی ویو پرپہنچ گئے، ریسکیوادارہ ڈوبنے والے نوجوان کی تلاش میں مصروف عمل ہے۔
