لاہور: وزیر اعظم شہباز شریف اور وزیر اعلیٰ پنجاب حمزہ شہباز کی ملاقات میں صوبہ پنجاب کے شہروں فیصل آباد، ملتان، سیالکوٹ اور گجرات میں کمشنر اور ڈپٹی کمشنرز تبدیل کرنے کا فیصلہ کیا گیا ہے۔
تفصیلات کے مطابق پنجاب بھر میں بیورو کریسی میں بڑے پیمانے پر اکھاڑ پچھاڑ کا فیصلہ کیا گیا ہے، فیصلہ وزیر اعظم شہباز شریف اور وزیر اعلیٰ پنجاب حمزہ شہباز کی ملاقات میں کیا گیا۔
ملاقات میں فیصلہ کیا گیا کہ فیصل آباد، ملتان، سیالکوٹ اور گجرات میں کمشنر اور ڈپٹی کمشنرز تبدیل کیے جائیں گے۔
آئی پنجاب اور کمشنر لاہور کو فوری طور پر تبدیل نہ کرنے کا فیصلہ کیا گیا ہے، کام نہ کرنے والے محکموں کے سیکریٹریز کو تبدیل کیا جائے گا۔
ذرائع کا کہنا ہے کہ اجلاس میں فیصلہ کیا گیا کہ ہر محکمے کی ہفتہ وار رپورٹ وزیر اعلیٰ پنجاب خود وصول کریں گے، وزیر اعلیٰ نے صوبائی سیکریٹریز کو اپنی کارکردگی بہتر بنانے کی بھی ہدایت کی ہے۔
