دنیا بھر میں مقبول میسجنگ ایپ واٹس ایپ میں ہر دوسرے دن نئے نئے فیچرز متعارف کروائے جارہے ہیںِ، اب حال ہی میں واٹس ایپ گروپ کے لیے نئی سہولت متعارف کروائی گئی ہے۔
واٹس ایپ نے ایک گروپ میں 512 افراد کو شامل کرنا ممکن بنا دیا ہے اور 32 افراد سے بیک وقت وائس چیٹ بھی ہوسکتی ہے۔
ان 512 افراد کو سنبھالنے کے لیے نئے ٹولز اور ایڈمن کنٹرول بھی جلد ہی پیش کیے جائیں گے، اب تک واٹس ایپ گروپ میں اس سے نصف یعنی 256 افراد کو شامل کیا جاسکتا تھا۔
- Advertisement -
قانون نافذ کرنے والے اداروں نے اس سے خبردار کرتے ہوئے کہا ہے کہ اتنے بڑے نیٹ ورک سے بعض تخریبی دماغ رکھنے والے بھی فائدہ اٹھا سکیں گے۔
واٹس ایپ نے حال ہی میں میسج میں 2 جی بی فائل بھیجنے، اور میسج پر ری ایکشن کا فیچر بھی متعارف کروایا تھا۔
