اشتہار

سرفراز نے آرتھر سے ملاقات کو یادگار لمحہ قرار دے دیا

اشتہار

حیرت انگیز

قومی ٹیم کے سابق کپتان سرفراز احمد نے سابق کوچ مکی آرتھر کے ساتھ ملاقات کی تصویر شیئر کردی۔

قومی ٹیم کے سابق کپتان سرفراز احمد نے سماجی رابطے کی ویب سائٹ ٹویٹر پر مکی آرتھر کے ساتھ ملاقات کی تصویر شیئر کرتے ہوئے اسے یادگار لمحہ قرار دیا۔

سرفراز احمد نے لکھا کہ میرے کوچ کے ساتھ دوبارہ مل کر بہت اچھا لگا، کیا آدمی ہیں ان کے ساتھ بہت سی یادیں وابستہ ہیں۔

- Advertisement -

دوسری جانب مکی آرتھر نے بھی سرفراز کے ساتھ ملاقات کو شاندار قرار دیا، سابق کوچ نے لکھا کہ ’آپ کو دیکھ کر بہت اچھا لگا کپتان، آپ ناقابل یقین ہیں۔

واضح رہے کہ قومی ٹیم نے سرفراز احمد کی قیادت میں 2017 میں چیمپئنز ٹرافی کے فائنل میں بھارت کو شکست دے کر پہلی بار ٹائٹل اپنے نام کیا تھا اس وقت قومی ٹیم کی کوچنگ کے فرائض مکی آرتھر انجام دے رہے تھے۔

بعدازاں پی سی بی کی جانب سے مکی آرتھر کو کوچنگ سے ہٹا کر مصباح الحق کو ہیڈ کوچ اور چیف سلیکٹر بنایا گیا تھا لیکن کچھ عرصے بعد ٹیم کی مسلسل ناکامیوں کے بعد مصباح بھی دونوں عہدوں سے ہاتھ دھو بیٹھے تھے۔

یاد رہے کہ اس وقت قومی ٹیم کے ہیڈ کوچ ثقلین مشتاق ہیں جبکہ بولنگ کوچ کے فرائض جنوبی افریقہ کے ورنن فیلنڈر انجام دے رہے ہیں۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں