سابق وفاقی وزیر خزانہ شوکت ترین نے موجودہ حکومت کو خبردار کیا ہے کہ وہ معاشی اشاریوں میں ہیر پھیر سے باز رہے۔
سماجی رابطے کی ویب سائٹ ٹوئٹر پر حکومت کی جانب سے اعدادو شمار میں ہیر پھیر کی خبروں پر ردعمل دیتے ہوئے شوکت ترین کہا کہ شہباز حکومت معاشی اشاریوں میں ہیر پھیر سے باز رہے، اور وفاقی ادارہ برائے شماریات کو اپنا کام کرنے دے، ادارہ شماریات کے لوگ انتہائی پیشہ ور ہیں۔
انہوں نے کہا کہ اندازہ ہے رواں سال جی ڈی پی 5 سے ساڑھے 5 فیصد رہے گی۔
PDM govt should not try to manipulate annual economic numbers. Let PBS do their job. They are highly professional. I expect the GDP growth to be 5-5.5%. https://t.co/M7lfLyMtNF
— Shaukat Tarin (@shaukat_tarin) May 17, 2022
یہ بھی پڑھیں: حکومت کی رواں مالی سال معاشی کارکردگی کم دکھانے کی کوشش
خیال رہے کہ وفاقی حکومت کی جانب سے ادارہ شماریات پر دباؤ ڈالا جارہا ہے کہ جی ڈی پی تخمینہ 4.5 سے بڑھ کر 5.5 فیصد نہ دکھایا جائے، قومی پیداوار کی شرح زیادہ دکھائی تو کریڈٹ پاکستان تحریک انصاف کی حکومت کو جائے گا۔
واضح رہے کہ جولائی تا مارچ صنعتی پیداوار 10.4 فیصد ریکارڈ کی گئی جس کا کریڈٹ عمران خان کی حکومت کو گیا۔
