حکومت نے تمام لگژری آئٹمز پر پابندی عائد کردی ہے جس کا اعلان وزیر اطلاعات مریم اورنگزیب نے اپنی پریس کانفرنس میں کیا تاہم یہ اعلان ہوتے ہی حکومت کو پی ٹی آئی رہنماؤں نے اپنے نشانے پر رکھ لیا ہے۔
اے آر وائی نیوز کے مطابق وفاقی وزیراطلاعات ونشریات مریم اورنگزیب نے اسلام آباد میں پریس کانفرنس کرتے ہوئے کہا کہ حکومت نے بیرون ملک سے موبائل فون، گاڑیاں، اسلحہ، جوتوں، امپورٹڈ سینٹری، فرنیچر، میک اپ، شیمپوز منگوانے پر پابندی عائد کردی ہے، اب سے لگژری اور غیر ضروری آئٹمز کی درآمد پر مکمل پابندی ہوگی۔
وفاقی حکومت کے اس فیصلے کے بعد پی ٹی آئی رہنماؤں نے شہباز حکومت کو اپنے نشانے پر رکھ لیا ہے اور طرح طرح کے تبصرے جاری ہیں۔
سابق وفاقی وزیر اطلاعات چوہدری فواد حسین نے سماجی رابطوں کی ویب سائٹ ٹوئٹر پر اپنے ٹوئٹ میں کہا کہ ہفتوں گزرنے کے بعد اس حکومت کی انتہائی حکمت پر مبنی معاشی پالیسی سامنے آگئی جس کے مطابق چاکلیٹ اور ٹافیاں امپورٹ نہیں ہونگی۔
ہفتوں گزرنے کے بعد اس حکومت کی انتہائ حکمت ہر مبنی معاشی پالیسی سامنے آ گئ ہے جس کے مطابق چاکلیٹ اور ٹافیاں امپورٹ نہیں ہوں گی،ان عقل کے اندھوں کو کوئ سمجھائےکہ چاکلیٹ،پنیر اور ٹافیوں کی امپورٹ پر پابندیوں سےمعیشت نہیں چلتی اس کیلئے اہم معاشی فیصلے چاہئیں #امپورٹڈ_حکومت_نامنظور
— Ch Fawad Hussain (@fawadchaudhry) May 19, 2022
فواد چوہدری نے اپنے ٹوئٹ میں مزید کہا کہ ان عقل کے اندھوں کو کوئی سمجھائے کہ چاکلیٹ، پنیر اور ٹافیوں کی امپورٹ پر پابندیوں سے معیشت نہیں چلتی اس کیلیے اہم معاشی فیصلے چاہئیں۔
سابق وزیر توانائی اور پی ٹی آئی رہنما حماد اظہر نے ٹوئٹ کرتے ہوئے انکشاف کیا ہے کہ حکومت نے جن اشیا پر پابندی لگائی ہے ان کا امپورٹ بل میں حصہ ایک فیصد بھی نہیں ہے۔
حماد اظہر نے مزید کہا کہ پابندی امپورٹڈ حکومت پر لگانی ہے امپورٹڈ اشیا پر نہیں۔
یہ بھی بتا دیں کہ جن اشیاء پر باپندی لگائی ہے ان کا امپورٹ بل میں حصہ ایک فیصد بھی نہیں۔ پاپندی امپورٹڈ حکومت پہ لگانی ہے امپورٹڈ اشیاء پہ نہیں۔ https://t.co/TFIVyjRrkN
— Hammad Azhar (@Hammad_Azhar) May 19, 2022
پی ٹی آئی رہنما شہباز گل نے اپنے ٹوئٹ میں کہا کہ مفتاح اسماعیل کو فائدہ پہنچانے کے لیے چاکلیٹ اور ٹافیوں پر امپورٹڈ حکومت کی پابندی۔
مفتاح اسمائیل کو فائدہ پہنچانے کے لئے چاکلیٹ اور ٹافیوں کی امپوٹ پر امپورٹڈ حکومت کی پابندی
— Dr. Shahbaz GiLL (@SHABAZGIL) May 19, 2022
پی ٹی آئی رہنما فیصل واؤڈا نے بھی حکومتی فیصلے پر ردعمل کیلیے ٹوئٹر کا سہارا لیا ہے اور کہا ہے کہ مریم اورنگزیب کی پریس کانفرنس کو آخری پریس کانفرنس سمجھ لیں اور عوام الیکشن کے لیے تیارہوجائیں کہ عمران خان کل بڑا اعلان کریں گے۔
فیصل واؤڈا نے مزید کہا کہ یہ تو کہتے تھے معیشت سنبھال لیں گے لیکن آج معیشت کا برا حال ہے، یہ کہتے تھے ڈالر کی قیمت کم کریں گے لیکن آج ڈالر200 عبور کرگیا ہے۔
ان کا یہ بھی کہنا تھا کہ عوام نے ایک مجرم اور امپورٹڈ حکومت کا سافٹ ویئر اپ ڈیٹ کردیا ہے، کچھ دنوں کی بات ہے یہ ہی مجرم حکومت الیکشن کی تاریخ کا اعلان کرے گی۔
ماہر معاشیات اور سابق ترجمان وزارت خزانہ نے کہا کہ امپورٹڈ حکومت قوم کو ریلیف دینے آئی تھی، آج قوم سےقربانی مانگ لی،10مپورٹ اشیا پر پابندی، ملک میں مہنگائی کا نیا طوفان جنم لے گا۔
حکومت نے امپورٹس پر پابندی عائد کر دی۔
امپورٹڈ آئٹم ملک کو اتنا نقصان نہیں پہنچاتے جتنا نقصان امپورٹڈ حکومت پہنچا رہی ہے۔ #امپورٹڈ_حکومت_نامنظور— Senator Shibli Faraz (@shiblifaraz) May 19, 2022
پی ٹی آئی رہنما اور سینیٹر شبلی فراز نے اپنے ردعمل میں کہا کہ حکومت نے امپورٹڈ اشیا پر پابندی عائد کردی ہے، لیکن ملک کو امپورٹڈ اشیا سے زیادہ امپورٹڈ حکومت نقصان پہنچا رہی ہے۔
